ఉచిత మట్టి గణపతి విగ్రహాలను పంపిణీ చేసిన కార్పొరేటర్ కన్నం వైష్ణవి

నేటి వారధి న్యూస్ (ప్రతినిధి)
ఖమ్మం నగర పాలక సంస్థ ఆధ్వర్యంలో 46వ డివిజన్లో కార్పొరేటర్ కన్నం వైష్ణవి ప్రసన్న కృష్ణ ఇళ్లలో పూజించే మట్టి గణపతి విగ్రహాలను ఉచితంగా అందించారు. ఈ సందర్భంగా వారు మాట్లాడుతూ పర్యావరణ పరిరక్షణలో భాగంగా ప్రతి సంవత్సరం నగరపాలక సంస్థ ఆధ్వర్యంలో మట్టి వినాయక ప్రతిమల పంపిణీ కార్యక్రమం చేపడుతున్నట్లు వారు తెలిపారు. అందరూ భక్తిశ్రద్ధలతో గణేష్ పండుగను నిర్వహించుకోవాలని, ఆ విగ్నేశ్వరుడు ప్రజలందరినీ చల్లగా చూడాలని వారు ఆకాంక్షించారు. ఈ కార్యక్రమంలో స్థానిక మహిళలు మున్సిపల్ సిబ్బంది పాల్గొన్నారు.