ప్రేమ పేరుతో బాలికపై లైంగిక దాడి.. వీడియోలతో బెదిరింపులు

నేటి వారధి న్యూస్
హైదరాబాద్‌: ప్రేమ పేరుతో పరిచయం పెంచుకుని బాలికపై లైంగిక దాడికి పాల్పడ్డాడనే ఆరోపణలపై ఫరీద్‌ (20)పై బేగంపేట పోలీసులు కేసు నమోదు చేశారు.పోలీసుల వివరాల ప్రకారం.. హైటెక్‌ సిటీలోని ఓ సెలూన్‌లో పనిచేసే సమయంలో బాలికకు ఫరీద్‌తో పరిచయం ఏర్పడింది. అనంతరం ఆమెను క్యాబ్‌లో తీసుకెళ్లి ఓ స్నేహితుడి ఇంట్లో బెదిరించి లైంగిక దాడికి పాల్పడ్డాడని ఆరోపణలు ఉన్నాయి. అంతేకాకుండా ఘటనను వీడియో, ఫొటోలు తీసినట్లు పోలీసులు తెలిపారు.ఈ విషయం ఎవరికైనా చెబితే ఫొటోలు, వీడియోలను సోషల్‌ మీడియాలో పోస్టు చేస్తానంటూ బాలికను బెదిరించినట్లు ఫిర్యాదులో పేర్కొన్నారు. ఈ నెల 8న నిర్వహించిన వైద్య పరీక్షల్లో బాలిక నాలుగు నెలల గర్భవతి అని నిర్ధారణ అయినట్లు సమాచారం.
బాలిక తల్లి ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. ఘటనకు సంబంధించిన పూర్తి వివరాలను పోలీసులు సేకరిస్తున్నారు.